පොඩි එකී

පරණ බොසා මාව පිලිගත්තෙ කට කණට යවාගෙන.

අවුරුදු ගාණක්ම මිනිහව හොඳට පෝසත් කලානෙ මම.

පොරගෙ නෝන දරු‍වත් වඩාගෙන ප්‍රාදුර්භූත වුණා. පොඩි එකී ඉපදුනා කියල බොසා කලින් දවසක වැඩක් අහගන්න කතාකරපු වෙලේ කියපු වෙලාවෙ ඉඳන් මම පරණ කාර්යාලයට ඔළුව දාන්නයි හිටියේ. පොර කාලයක් තිස්සෙ දරුවෙක් හදන්න ගේමක් දීල කසාදෙන් අවුරුදු ගාණකට පස්සෙ ඉපදුණ පොඩි එකියක්...

මම මිස්ගෙ අතේ හිටපු පොඩි එකී දිහා බැලුව.

මිස් වට පිට බලල පොඩ්ඩිට අන්දවල තිබුණ ගවුම සීරුවට කරෙන් පන්නල හෙමින් මිමිණුව.

“අනුෂ්ක මේක බලන්න...”

........

මම හිටියෙ කමි‍සෙ ගලවගෙන පපුව දිහා කණ්නාඩියකින් බලාගෙන. මෙච්චර කාලෙකට මම මගේ පපුවෙ පැත්තක තියෙන උපන් ලපය දිහා සැලකිල්ලෙන් බැලුවෙ නෑ...

ලියා එව්වේ - h (http://living.hartstuff.com/)