බූරු අධ්‍යක්ෂගේ සිහින රූප රාමු

ඔන්න මුලින්ම පේන්නෙ රතු, ලේ නහර ඉදිමුණ ඇහැක්... තිරය පුරාම...

දර්ශනය ක්‍රමයෙන් සූම් අවුට් වෙනවා... දැන් ඇස් දෙකම...

යක්ෂ මූණක් තියෙන මිනිහෙක්...

මිනිහ හති අරිනවා... කටින් කෙල බේරෙනවා....

කැමරාව ටිකෙන් ටික මිනිහගෙන් ඈතට යනවා...

මිනිහ ඉන්නෙ සුදු අත්දිග කමිසයක් ඇඳගෙන... ඒක පුරා ලේ... සුදු සරමෙත් ලේ. ඒක කැහැපටකවාගෙන කරේ දාන සාළුවත් ඉන වටේ බැඳගෙන...

මිනිහගෙ අතක ලේ පෙරෙන කඩුවක්...

කැමරාව ඈතට...

මිනිහ ඉදිරියෙ අතපය, බෙලි කපල මරල දාපු මිනී කන්දක්...

මිනිහ කෑ ගහනවා...

“අඩෝව්... එකෙක් අත තිබ්බොත් බාවනවා. මේව අපේ මුතුන්මිත්තන්ගෙන් ලැබුණු දායාද..”

තිරය අඳුරු වෙන්න කලින් මිනිහට පිටිපස්සෙන් තියෙන පොදියක් පේනවා...

මිනිහ ඒවට අරක්ගත්තු භූතයෙක්....

ඒ භක්තියේ සංකේත ටිකක්!



ලියා එව්වේ - hare :-)