මහා භාණ්ඩාගාරයේ අලුත්ම ලේකම් - නුවන් කුලසේකර?

පරතරය අවම කිරීම ගැන මේ දවස් වල ඕනෑ තරම් කථා වෙනවා. අය-වැය පරතරය, ඇති-නැති පරතරය. මේ කියන්න යන්නේ එදා කරපු අරුම පුදුම පරතරය අවම කිරීමක්. මේක උනේ ලංකාව සහ ඔස්ට්‍රේලියාව අතර එදා පැවැත්වුනු ක්‍රිකට් තරගයේදි. කුලසේකර ගහන්න පටන් ගන්නකොට.

බෝල 85 ලකුණු 155 පරතරය 70. ඊට පස්සේ

බෝල 80 ලකුණු 142 පරතරය 62,

බෝල 75 ලකුණු 129 පරතරය 54,

බෝල 70 ලකුණු 112 පරතරය 42,

බෝල 65 ලකුණු 104 පරතරය 39,

බෝල 62 ලකුණු 94 පරතරය 32,

බෝල 50 ලකුණු 74 පරතරය 24,

බෝල 25 ලකුණු 37 පරතරය 12,

බෝල 14 ලකුණු 21 පරතරය 7.

තරගය දිනුව වගේ සතුටක් දැණුනා.


ලියා එව්වේ - ඇවිද්ද පය (http://awidda-paya.blogspot.com)

දින්නත් පැරදුනත්

එෆ්.බී ස්ටේටස්, ට්වීට්, බzz අප්ඩේට් තොගයකි.

ඔවුන් ජය පතති.
විටෙක බැනුම් සහ විටෙක ලෙංගතු කමකි.
ඒ උද්‍යෝගයයි.

අප සැමගේම අභිප්‍රාය වූයේ ලෝක කුසලානය අප රට සතු වීමය.

කුසලානය උදෙසා රටක් ලෙස සතුටු වීමට අපට නොහැකි වුවද ලෝක සිතියමේ එක කලාපයක් ලද ජයක් වෙනුවෙන් අද අපි සතුටු වෙමු.

ක්‍රිකට් යනු අපේ ජීවිතයයි.

ජීවිතය මෙන්ම කිසිසේත් නිෂ්චිත නැත.

ජීවිතයට මුහුණ දෙමින් අහිමි වූ කුසලානය වෙනුවෙන් දුක් වී පලක් නැත.

අපගේ පැතුම් ඉටු කලද සුන් කලද ඔවුන් අපේ විරුවන්ය. මුරලි ක්‍රිකට් දිවියෙන් සමුගනු ඇත.

කප් එක ඇතද, නැතද ඔවුන්ගේ උපන් බිමට පැමිණීම අප ලෙංගතුව පිළිගත යුතුමය.

ලක දෙස ලොවක් නෙත් යොමු කරවුවන්ට ආයුබෝ!


-