මාරු කාසි

“අනේ මිසී රුපියල් දහයක් මාරු කරලා දෙන්නකෝ. ‍පහේ කාසි දෙකක් ඇති”
වැඩේ නවත්තලා බැලුවේ මංගලිකාගේ කට හඬට..
“ඇයි මංගලිකා අක්කේ කාසි?”
“කෝල් එකක් ගන්න මිස් ගෙදරට”
“මෙහේ කොයින් බොක්ස්?”
“පාරේ තමයි තියෙන්නේ”
පහේ කාසි මං කාටවත් නොදෙන්නේ හේතුවක් ඇතුව.. ඒත් නෑ කියන්න බැරි නිසා ලඟ තිබුනු පහේ කාසිය දීලා දැම්මා දහය නොගෙනම.. ඒ මනුස්සයා වැඩට ඇවිත් තියෙන්නේත් අපි ඉපදෙන්නත් කලින්.
“ෆෝන් එක කැඩිලා මිසී. ආ..”
“කෝ දෙන්න බලන්න නොම්බරේ”
....
“මේ නම්බර් එක කනෙක්ට් කරලා දෙන්න”
“පර්සනල් ද?”
“නෑ ඔෆීශියල්”
...
ගොඩක් ස්තූතියි මිස්..
දුවගේ පන්ති සල්ලි දෙන්න බැරි උනා ඒකයි තියෙන තැන කිව්වේ.
සල්ලි නැතුව පන්ති යන්නත් බෑනේ දැන්

ලියා එව්වේ - මලී (http://abnormalminds.blogspot.com/)