Friday, January 21, 2011

ගම වටේ...!

කඨින චීවරය ගම වටේම ගියා. ගමෙන් තුන්කාලක සාදුකාරෙ ඒ පස්සෙන් වැටුණා...

එන්න බැරි උදවිය පාන්දර 4ට නැගිටගෙන ගෙවල් ඉස්සරහ ඉඳන් චීවරයට අතගැහුවා...

හයට විතර පන්සලට ඇදුණ කඨින පෙරහැරේ හිටපු සෙනග දැක්කම ලොකු හාමුදුරුවන්ගෙ කට කොණට හිනාවක් ආවා...

කඨින ධර්ම දේශනාව අතරෙ පෙරහැරේ ගිණි බෝල කරකවපු නවිඳු මල්ලිට මදුරුවො දශ්ඨ කලා...

එයාට ඩෙංගු හැදුණා...

එතනින් පටන් අරන් ඩෙංගු බෝ වෙන්න ගත්තා... ගම වටේම...

පී.එච්.අයි. මහත්තුරු දෙවතාවක්ම මදුරුවො බෝවෙන තැන් විනාස කරන්න කියල එනවුන්ස් කලා...

ගමේම පත්‍රිකා බෙදුවා... පෝස්ටර් ගැහුවා...

එයාලටම ඇවිත් ගම වටේම බලන්නත් වුණා.

සෑහෙන කාලයක් ගියා. කීප දෙනෙක් මැරුණා...

මිනිස්සු අල්ලපු ගෙවල්වලට බැණ බැණ හවස 4 වෙද්දි ජනෙල් වැහුවා...


ලියා එව්වේ - h (http://living.hartstuff.com/)

3 comments:

  1. පාන්දර 4 ත් හැන්දෑවෙ 4 ත් අතර සතුටෙ ඉඳල දුක වෙනකම් වෙනස්වුන 'ජීවිතය' කියන ධර්මතාවය... නියමයි..

    ReplyDelete
  2. පුදුමාතලන් වගේ තමයි.

    ReplyDelete
  3. සමාජයෙන් පෙත්තක්

    ReplyDelete


Related Posts Plugin for WordPress, Blogger...