එයා මට කතා කළේ 'මල් පෙත්ත' කියලා.මම එයාට කිව්වෙ 'කුඩා
දිය පාර' කියලා.අපි අත් පටලගෙන හෙවන වෙච්ච
පාරවල් දිගේ කාලයක් තිස්සෙ ඇවිද්දා.මෙහෙම ඇවිදිනකොට අපේ සපත්තු ගෙවෙනවා කියලා හොයා
ගත්තෙ එයා.අපි ඒක පාර අයිනෙ ගහක් කෙ‍ටුවා අනිත් අයටත් දැනගන්න එක්ක.හැමෝම කිව්වෙ
දැන් ඇවිදින එක නවත්තලා වාඩිවෙලා ඉන්න පුරුදුවෙන්න කියලා.අපි වාඩිවුණා.නුලකින්
ඇගිලි බැදගත්තා.දැන් එයා මට කියන්නෙ 'මල්'
කියලා.මම කිව්වෙ 'දිය පාර' කියලා.එකපාරටම තවත් කුඩා මල් පෙත්තක්
සහ කුඩා දිය පාරක් ඉපදුනා.අපිට තව දුරටත් ආමන්ත්‍රණ කෙටි කරන්න වුණා.දැන් එයා 'පාර'.මම 'පෙත්ත'.දවසක් පොලිස් ජීප් එකකින් කට්ටියක් ඇවිත් අපි දෙන්නව
කුදලගෙන ගියා.හේතුව සැමියා බිරියට 'පෙත්ත'
කීමත් බිරිය සැමියාට 'පාර' කීමත් කියලා පොලිස් පොතේ ලියලා තිබ්බා.
ලියා එව්වේ - කාංචනා අමිලානි (www.thinkland.net)
seeya ganina aya ganinne nedda dan. meke wakya atare space nene?
ReplyDelete