ලිමොසින් රියක තද නිල් එලියෙන්
නිලංකාර වු දෑස් මත
තුන්දාහෙන් ගන්න එකම අච්චුවෙ පොටෝ වලට
හිඳෙන බර නොපෙනෙද්දි
ඒ අතර එලි කරන තරු බොජුන් වරින් වර
තවත් සැහැල්ලු කරන
දෙව්ලොව යන්නට සරසන්න දෙව්ලියන්
සහ සුකුමාර දෙව් පුතුන්
සැහැල්ලුයි තව ඉතින්
පාවෙලා යන්න මල් පිරුණු මල් ගොඩක් මැද
හිසටද පයටද අත තබන අඟලකම නෙත දකින හැම කොණම
දෙව් සිහින ගේන
තවත් බර අඩු කරන
රනින් මිණි මුතූ මතින්
පෝරු උඩ දරාගෙන
සයන මත පුද දමා
යෞවනේ රතු රෝස
සිඳී අක්මුල්
සිහිනයෙන් අවදිවන නිමේශයෙ
මාලිගා කැබලි සී සී කඩ විසිරී
ආත්මයද විකුණා දුටු සිහින
නිකම්ම නිකන් සිහින වී
දැන් ණය ගෙවන්න
ලෝකයටම!
ලියා එව්වේ - සුමේදා එගොඩවත්ත
සිහින දැක්කට වැඩක් නෑ ඒවා ඉටු කරගන්න කටයුතු කරන්නේ නැත්නම්...
ReplyDelete