සාක්කිය

ස්වාමීණී මේ මිනිහා මාව මැරුවා. උරහිසෙනුත් තාම ලේ ගලනවා.

යුෂ්මතී කියන්නෙ තමන්ව මේ මිනිහා මැරුවා කියලද?

ස්වාමීණී, මං ඒක තමයි කීව්වෙ.

මැරිලා නම් කතා කරන්නෙ කොහොමද?

හත්වලාමයි. මං මැරිලයි කියලද තමුන්නාන්සෙ කියන්නෙ?
මේ මොකද මගේ ඇග පුරාම ලේ? මට මොකද වුණේ?

තමුන් යකාගෙ කතාවක්නෙ කියන්නෙ. මං දන්නෙ කොහොමද?
අනික ඔහේම නේද දැන් කිව්වෙ ඔහේ මැරිලා කියලා?
හැරෙනවා බලන්න අනික් පැත්තට.

කෝ ස්වාමීණී මගේ දිග කොණ්ඩෙ? කවුද ඒක කපා ගත්තෙ?

දැන් තමුන් මගෙන් ප්‍රශ්න අහන්නෙ කවුරු කියලා හිතාගෙනද?

අනේ තව මොනා හිතාගන්නද ස්වාමීණී, මට මතක නෑ මොකවත්ම.

එතකොට කවුද තමුන්ව මැරුවයි කිව්වෙ?

මං මැරිච්ච ගෑනි වෙච්චිකොට මැරුවෙ කවුද කියලා කොහොම දැනගන්නද?



ලියා එව්වේ - කාංචනා අමිලානි (www.thinkland.net)