Wednesday, December 10, 2014

උමතු කත




පාන්දරම වැඩට යන්න බස් ස්ටෑන්ඩ් එකට ආපු මට දැනුණෙ තද සීතලක්. ගොරෝසු රෙද්දක් පෙරවන් බිම නිදන් ඉන්න මේ උන්දැ කොහොම මේ සීතල දරන් ඉන්නවද? පිස්සි පිස්සි කියලා හැමෝම උන්දැට ගැරහුවට බුදුදහමට අනුව පෘතග්ජන අපි හැමෝටම පිස්සු. මටත් බැඳීම් වෙනුවෙන් වෙහෙසෙන්න නොවුණ නම් මේ උන්දැගෙයි මගෙයි ලොකු වෙනසකුත් නෑ.

තුසර පිනි බිඳු හඬ නගා
සීතලේ ගීතය ගයන්නේ
බස් නැවතුමේ රළු පෙරවුමේ
කවුද මේ නිදි සුව සොයන්නේ

නීල සිකිපිල නේක සුවඳින් සරසවා
සේද සළු හැඳ හංස අඟනුන් සරන්නේ
කවුද මේ වැරහිලි අඳින්නේ
දුහුලියෙන් හිස සරසවන්නේ

සදාචාරය ශ්වේත සළුවෙන් ගත වසා
උමතු සිත්ගත් පෘතජනයන් සරන්නේ
කවුද මේ ගැරහුම් ලබන්නේ
උමතු කත යැයි කියන්නේ

ලියා එව්වේ - වර්ණ

1 comment:

  1. සබ්බේ සත්ථා උම්මන්තකා !

    ReplyDelete


Related Posts Plugin for WordPress, Blogger...