බුදුසරණයි! පොඩ්ඩී වෙත ආදරෙන් ලියමි
ආදරණීය
පොඩ්ඩි,
උඹට
කොහොමද? අපි නම් හොඳින්. ඒක නෙමේ අපිටත් ආරංචියි උඹේ පලහිලව්ව. මාත් දැක්ක දවසක්
දෙකක් උඹ කොල්ලත් එක්ක අත් අල්ලන් යනවා. මල්ලි නම් ලස්සනයි. උඹේ ඇස් වල ආදරේ පිරිල
තියෙනව දැක්කම අපිටත් සතුටුයි. උඹත් ඉතින් කවදහරි ආදරේ කරන්නත් එපැයි.
හැබැයි උඹ
කොල්ලත් එක්ක රවුම් ගහනව වැඩියි කියල අම්ම කිව්වා.. කමක් නෑ පොඩ්ඩියෙ ආදරේ කරපන්. ඒත්...සිහිකල්පනාවෙන්.
සමහර සමනල්ලු මල්වලට වහල පැණි බීල පෙති තලල ඉගිලිලා යනවා. ඒ නිසා පරිස්සමින්. පොඩි
අක්ක වගේ හැමදේම වැරදුණාම අනේ අක්කේ... කියාගෙන ඇවිත් මාව බදාගන්න තැනට වැඩ කරගන්න
නම් එපා.
අදට නවතින්නම්.
මං ඔයාගෙම
ආදරණීය ලොකු අක්කා
යාල් දේවිලියා එව්වේ - වර්ණ
No comments:
Post a Comment