මිතුරු රුව

උක්කුවා නෙළුම් ගොල්ලේ වහන් වූයේ තදියම ඉවසාගනු බැරිම තැනය. ගොම්මන් කරුවල ඔහුගේ කෘත්‍ය තවත් පහසු කළේය. නමුත් සුළු මොහොතකින් දුටු දසුන උක්කුවාට සිය කටයුත්තද අමතක කළේය.

ඒ සයිමාය. මීට අවුරුදු පහළොවකට කලින් වැවේ කට්ටි වළක ගිලී මිය ගිය සයිමාය. ගමේ සැලකිය යුතු පිරිසකට නූල් බැඳ තොවිල් නැටීමට හේතු වූ සයිමාගේ හොල්මනය.

නමුත් උක්කුවා සයිමාගේ හොල්මන දකින්නේ මේ පළමු වතාවටය. තමාගේ පුංචි සන්දියේ සිටි හොඳම යහළුවා වූ සයිමාට බිය වීමට උක්කුවාගේ හිත නැමුණේ නැත. තම දෙසට සෙමෙන් පැමිණ අඩි පහක් පමණ දුරින් නතර වූ සයිමා,

&අනේ උක්කුවො අපේ අම්මාව බලා ගනින්.* යැයි පවසා නොපෙනී ගියේය.

ඉන්පසු ගමේ කිසිවෙකුට සයිමා පෙනී නොතිබුණි.

ලියා එව්වේ - වර්ණ