Wednesday, October 22, 2014

නුඹත් නීරෝ?

හීන මවපු සමන්තිගෙ අත් අකුරු ආදරේ බිඳුණු දවසෙ විසකරු සර්පයන් වුණා. ඉතින් මම ඒවා ගිනි තිබ්බා. සහනයක් දැනෙයි කියලා හිතලා ගත්ත මධු විතත් දුන්නෙ අපහසුවක්. කරගන්න දෙයක් නැතිව මම වීණාව අතට ගත්තා........ 

ආදරය ගිනි ගනී
ඇගේ රුව ඇති ඇගේ සුවඳැති
මා තැනූ රෝමයම
අළු අතර සඟවමින්
ආදරය ගිනි ගනී..........

ඇගේ අත් අකුරු හැඩ විෂඝෝර සර්පයන්
වෙළාගෙන මා සිරුර පෙළයි මා විස දළින්
හෙළා උන් ගින්දරට රුපු විසෙන් මිදෙන්නෙමි
කිසිත් කර ගත නොහී වීණාව වයන්නෙමි

ඇගේ සිහිනිඟට සම පුළිඟු වීදුරු බඳුන්
සොයා විත් මා මුවඟ දවයි මා මී විතින්
හෙළා එය ගින්දර මී විතෙන් මිදෙන්නෙමි
කිසිත් කර ගත නොහී වීණාව වයන්නෙමි

ලියා එව්වේ - වර්ණ

No comments:

Post a Comment


Related Posts Plugin for WordPress, Blogger...